Nunutur Bujur Bule Geulis - Carpon Sunda

Mulang ti Cimahi, palebah Cibeureum, Agus Ulèn nempo bulè tumpak ojèg. Deuh meni Geulis eta bule awewena. Meni ngaburinyay katingalina ti tukang teh. Lantaran panasaran, ku manèhna teu sadar bet dituturkeun tukangeunana.

Sabada ngaliwat Gunungbatu, èta ojèg mengkol ka jalan Sutami, masih terus dituturkeun. Ti jalan Sutami labas ka jalan Setiabudi, terus ka Lèmbang, masih terus dituturkeun.

Palebah RM Berebes, èta ojèg eureun, terus bulèna asup ka èta rumah makan, tayohna rèk dahar heula. Ari tukang ojègna mah nungguan di luar, teu milu dahar.

Panasaran, Agus Ulèn nanya ka èta tukang ojèg.

"Badè ka mana èta bulè tèh, Kang? Sareng bulè ti mana?" ceuk Agus Ulèn.
"Bulè ti Ustrali, nuju liburan sareng rèrencangan di Villa Abadi. Tos caket ti dieu mah," tèmbal tukang ojèg, "ari Akang badè ka mana?"
"Badè ka Racaèkèk,"

Agus Ulèn reuwas ku jawabanana sorangan, sabab kakara sadar yèn manèhna salah arah. Nu tadina rèk ka Rancaèkèk, tapi tepina kalah ka Lèmbang, gara-gara nunutur tonggong bulè.

Ampun para mitra bet kacida nya cep Agus Ulèn bakating kabengbat ku Bule Geulis.. :D :D

sumber : pangalaman majalah cakakak