BONGBOLONGAN IBU HAJI - CARPON PONDOK PISAN
BONGBOLONGAN IBU HAJI - Dongèng Hikmah
Alatan loba kabutuh, najan kaayaan keur lokdon ogè, Mang Surya jeung Kang Nana daèk narima kuli macul di sawah Ibu Haji Rogayah.
Pareng rèk macul kotakan anu tonggoh, manggih endog meri lima, katutupan ku jarami.
"Alhamdulillah, rejeki urang tah. Urang bagi dua wè nya, Emang tilu Ujang dua," ceuk Mang Surya bari nyokot endog.
"His, teu bisa. Apan nu nimuna gè urang duaan, jadi kudu dibagi rata, kudu adil !" tèmbal Kang Nana nyarita teugeug. Najan umurna sahandapeun Mang Surya, tapi ngangkrangna mah leuwih-leuwih.
"Heueuh nya kumaha ngabagi ratana da angger masing Ujang tilu Emang dua gè moal karasa adilna. Ma enya nu hiji kudu dipeupeuskeun?" tembal Mang Surya.
"Nya urang mènta bongbolongan Bu Haji wè nu boga sawahna, da Bu Haji mah geus kawèntar wijaksana,"
"Heueuh alus kitu gè. Nam urang ka bumina Bu Haji, kabeneran geus rèngsè maculna ogè," ceuk Mang Surya.
Bring duanana muru imah Bu Haji Rogayah. Kabeneran keur aya.
"Abdi tèh seja unjukan, tadi di serang kagungan mendak endog meri lima. Mung basa badè dibagi dua sareng Jang Nana, asa teu adil waè. Manawi dongkap ka dieu tèh badè mundut bongbolongan ti Ibu Haji, kumaha carana ngabagi endog lima kanggo duaan bari karaos adil," ceuk Mang Surya laporan.
"Ih, gampil. Kadieukeun endogna," tèmbal Ibu Haji Rogayah bari nampanan endog ti Mang Surya.
"Sok duanana sarila !" ceuk Ibu Haji Rogayah bari neundeun endog meri dina lahunan Mang Surya jeung Kang Nana hiji sèwang.
"Adil nya?" ceuk Ibu Haji Rogayah bari mencrong beungeut nu duaan.
"Adil kumaha ari Bu Haji. Ma enya ari abdi hiji sèwang, ari Bu Haji tilu ?" ceuk Kang Nana protès. Angger nyaritana dibarung ku ngangkrang, najan ka dunungan ogè.
"Puguh adil tilu sèwang, ibu tilu maranèh gè sarua tilu," tèmbal Bu Haji Rogayah.
"Tilu ti mana ari Bu Haji, puguh hiji sèwang abdi mah," ceuk Kang Nana beuki ngangkrang.
"Tilu jeung endog maranèh anu aya dina jero calana. Geura sok cagap! Adil nya?" ceuk Ibu Haji Rogayah bari nyèrèngèh.
Nu duaan silih rèrèt. Teu lila pok nyarita deui.
"Leres, adil pisan." ceuk nu duaan, nyaritana mèh bareng. Terus pamitan ngadon mulang ka imahna sèwang-sèwangan, dibarung bungah dumèh meunang endog meri keur bekel buka.
Catetan:
Hikmah tina ieu dongèng, mun mènta bongbolongan kudu ka ahlina, ulah ka jalma anu teu cukup èlmu jeung jauh tina sipat wijaksana. (TF)
sumber : majalah cakakak
Alatan loba kabutuh, najan kaayaan keur lokdon ogè, Mang Surya jeung Kang Nana daèk narima kuli macul di sawah Ibu Haji Rogayah.
Pareng rèk macul kotakan anu tonggoh, manggih endog meri lima, katutupan ku jarami.
"Alhamdulillah, rejeki urang tah. Urang bagi dua wè nya, Emang tilu Ujang dua," ceuk Mang Surya bari nyokot endog.
"His, teu bisa. Apan nu nimuna gè urang duaan, jadi kudu dibagi rata, kudu adil !" tèmbal Kang Nana nyarita teugeug. Najan umurna sahandapeun Mang Surya, tapi ngangkrangna mah leuwih-leuwih.
"Heueuh nya kumaha ngabagi ratana da angger masing Ujang tilu Emang dua gè moal karasa adilna. Ma enya nu hiji kudu dipeupeuskeun?" tembal Mang Surya.
"Nya urang mènta bongbolongan Bu Haji wè nu boga sawahna, da Bu Haji mah geus kawèntar wijaksana,"
"Heueuh alus kitu gè. Nam urang ka bumina Bu Haji, kabeneran geus rèngsè maculna ogè," ceuk Mang Surya.
Bring duanana muru imah Bu Haji Rogayah. Kabeneran keur aya.
"Abdi tèh seja unjukan, tadi di serang kagungan mendak endog meri lima. Mung basa badè dibagi dua sareng Jang Nana, asa teu adil waè. Manawi dongkap ka dieu tèh badè mundut bongbolongan ti Ibu Haji, kumaha carana ngabagi endog lima kanggo duaan bari karaos adil," ceuk Mang Surya laporan.
"Ih, gampil. Kadieukeun endogna," tèmbal Ibu Haji Rogayah bari nampanan endog ti Mang Surya.
"Sok duanana sarila !" ceuk Ibu Haji Rogayah bari neundeun endog meri dina lahunan Mang Surya jeung Kang Nana hiji sèwang.
"Adil nya?" ceuk Ibu Haji Rogayah bari mencrong beungeut nu duaan.
"Adil kumaha ari Bu Haji. Ma enya ari abdi hiji sèwang, ari Bu Haji tilu ?" ceuk Kang Nana protès. Angger nyaritana dibarung ku ngangkrang, najan ka dunungan ogè.
"Puguh adil tilu sèwang, ibu tilu maranèh gè sarua tilu," tèmbal Bu Haji Rogayah.
"Tilu ti mana ari Bu Haji, puguh hiji sèwang abdi mah," ceuk Kang Nana beuki ngangkrang.
"Tilu jeung endog maranèh anu aya dina jero calana. Geura sok cagap! Adil nya?" ceuk Ibu Haji Rogayah bari nyèrèngèh.
Nu duaan silih rèrèt. Teu lila pok nyarita deui.
"Leres, adil pisan." ceuk nu duaan, nyaritana mèh bareng. Terus pamitan ngadon mulang ka imahna sèwang-sèwangan, dibarung bungah dumèh meunang endog meri keur bekel buka.
Catetan:
Hikmah tina ieu dongèng, mun mènta bongbolongan kudu ka ahlina, ulah ka jalma anu teu cukup èlmu jeung jauh tina sipat wijaksana. (TF)
sumber : majalah cakakak
